უსაფრთხოება მშენებლობის ერთ-ერთი უმნიშვნელოვანესი ნაწილია. იმ შემთხვევაში თუ სამშენებლო ობიექტზე ვიმყოფებით, მნიშვნელოვანია სათანადო ყურადღება მივაქციოთ უსაფრთხოების ნიშნებს და მათი ცნობაც შეგვეძლოს.
საქართველოს კანონმდებლობის მიხედვით გამოიყოფა შემდეგი სახის უსაფრთხოების ნიშნები: 


1. ამკრძალავი ნიშნები - კრძალავს ისეთ მოქმედებას, რომელსაც საფრთხის გამოწვევა შეუძლია. 

2.სავალდებულო ნიშნები - ადგენს კონკრეტული ქმედების განხორციელების ვალდებულებას.

3. გამაფრთხილებელი ნიშნები - მიუთითებს საშიშროების ან საფრთხის შესახებ.

4. საევაკუაციო ან პირველადი სამედიცინო დახმარების ნიშანი - იძლევა ინფორმაციას საევაკუაციო გასასვლელების, პირველადი სამედიცინო დახმარების და სამაშუელო საშუალებების შესახებ.

5. საინფორმაციო ნიშანი - იძლევა დამატებით ინფორმაციას საშიშროების თავიდან ასარიდებლად. 

6. აბრა/ფირნიში - იძლევა კონკრეტულ ინფორმაციას გეომეტრიული ფორმის, ფერებისა და სიმბოლოს ან პიქტოგრამის კომბინაციით და ხილვადია საკმარისი ინტენსივობის განათებით.

7. უსაფრთხოების აღმნიშვნელი ფერი - ფერი რომელიც მიანიშნებს კონკრეტულ მნიშვნელობაზე

8. მანათობელი ნიშანი - ნიშანი, რომელიც გამჭირვალე ან ნახევრადგამჭირვალე მასალისგან არის დამზადებული, განათებულია შიგნიდან და უკანა მხრიდან იმგვარად, რომ უზრუნველჰყოს ნიშნის ზედაპირის განათება.

9. ხმოვანი სიგნალი - კოდირებული ხმოვანი სიგნალი, რომელსაც გამოსცემს და გადასცემს ამ დანიშნულებისთვის შექმნილი მოწყობილობა ადამიანი ან ხელოვნური ხმის გამოყენების გარეშე. 

10. ვერბალური შეტყობინება - ადამიანის ან ხელოვნური ხმის გამოყენებით, წინასწარ განსაზღვრული ვერბალური შეტყობინება. 

11. ჟესტური სიგნალი - კოდირებული ფორმით ხელების ან მკლავების მოძრაობა ან/და მდგომარეობა, შესრულებული იმ პირთათვის, რომლებიც საფრთხის შემცველ ან სახიფათო მანევრს ასრულებენ.