2022 წელი თანამედროვე არქიტექტურისთვის გამორჩეული იყო. ამას მოწმობს საუდის არაბეთის მთავრობის მიერ დაანონსებული, ალბათ, საუკუნის ყველაზე გასაოცარი პროექტი: 170 კილომეტრის სიგრძის ქალაქი, სახელად "The Line".

ცხრა მილიონი ადამიანის საცხოვრებლად შექმნილი 500 მეტრიანი ცათამბჯენი საუდის არაბეთის ჩრდილო-დასავლეთით 170 კილომეტრზე იქნება გადაჭიმული.

სწორხაზოვანი მეგასტრუქტურა მოიცავს საცხოვრებელ, საცალო და დასასვენებელ ზონებს, ასევე სკოლებსა და პარკებს.

პროექტი წარმოადგენს სრულიად ახალ ხედვას ქალაქის დაპროექტების მიმართულებით. ის უდაბნოში სივრცის ათვისებას სიმაღლის ხარჯზე ახდენს, შესაბამისად იკავებს მინიმალურ ტერიტორიას მიწაზე, ზოლის სახით და მაქსიმალურად ამცირებს ადამიანების მიერ ბუნებისადმი მიყენებულ ზიანს.